قابض اسرائیلی فوج کی فلسطینی طلبا پر آنسوگیس کی شیلنگ
فاران: جمعرات کی صبح بیت لحم کے جنوب مشرق میں واقع توقوعہ قصبے میں اسرائیلی قابض فوج (آئی او ایف) نے اسکولںوں کے طلبا پر آنسوگیس سے شیلنگ کی۔
مقامی ذرائع کے مطابق اسرائیلی فوجی توقوعہ قصبے کے ہائی اسکول کے قریب اسرائیلی فوج کی بھاری نفری پھیل گئی اور طلباء پر آنسو گیس کے گولے برسائے۔
قابض فوج کے حملےمیں متعدد طلباء آنسو گیس کی شیلنگ سے متاثر ہوئے۔
فلسطینی اسکول کے بچوں کو کل اسی طرح کے الخلیل میں قابض فوج کے حملے کا سامنا کرنا پڑا جب وہ الخلیل شہر کے جنوبی علاقے اور مسجد ابراہیمی کے قریب اسکول سے چھٹی کے بعد پیدل چل رہے تھے۔
گذشتہ ہفتےقابض فوج نے الخلیل کے جنوبی علاقے میں الحجریہ اسکول پر دھاوا بول کر طلباء اور اساتذہ پر تشدد کیا۔
بیت لحم کے الخانسہ سکول میں دوسری جماعت کا 7 سالہ لڑکا ریان سلیمان گذشتہ جمعرات کو اس وقت اونچائی سے گر کر شہید ہوگیا تھا جب قابض فوج نے اسے پکڑنے کے لیے اس کا تعاقب کیا۔ خوف زدہ بچہ بھاگتے ہوئے گر کرشہید ہوگیا تھا۔
تبصرہ کریں