اسرائیلی زندانوں میں قید 30 انتظامی قیدیوں نے بھوک ہڑتال کر دی

فاران: اتوار کو 30 فلسطینی انتظامی قیدیوں اسرائیلی قابض ریاست کی جیلوں میں انتظامی حراست کی مسلسل پالیسی کی مذمت کرتے ہوئے بھوک ہڑتال شروع کرنے کا اعلاج کیا ہے۔

کل ہفتے کو قیدیوں اور سابق اسیران کی وزارت کے ایک بیان کے مطابق “یہ قدم انتظامی حراست میں غیر معمولی اضافے کے فریم ورک کے اندر آتا ہے اور قیدیوں کے اس صوابدیدی حراست کا مقابلہ کرنے کے لیے اسے روکنے یا کم از کم قانونی شکل دینے کے لیے کیے جانے والے اقدامات کا حصہ ہے۔

گذشتہ جنوری کے آغاز میں، تقریباً 500 انتظامی قیدیوں نے انتظامی حراست سے متعلق قابض حکام کے تمام عدالتی طریقہ کار کا جامع اور حتمی بائیکاٹ شروع کیا۔

فلسطینیوں کے اعداد و شمار کے مطابق قابض جیلوں میں قیدیوں کی تعداد 4650 ہے جن میں 32 خواتین قیدی، 175 نابالغ بچے اور 730 انتظامی قیدی شامل ہیں۔

“انتظامی قید” بغیر کسی الزام یا مقدمے کے گرفتاری کی ایک فرسودہ شکل ہے جو اسرائیل کو برطانوی استبداد سے ورثے میں ملی ہے۔ صہیونی ریاست فلسطینی شہریوں پر دباؤ ڈالنے کے لیے اس سزا کا استعمال کرتا ہے اور نہتے فلسطینیوں کو گرفتار کرنے کے بعد انہیں پابند سلاسل کیا جاتا ہے۔

قابض حکام کا دعویٰ ہے کہ انتظامی زیر حراست افراد کے پاس “خفیہ فائلیں” ہیں جو کبھی منظر عام پر نہیں آسکتی ہیں، اس لیے زیر حراست شخص کو اپنی سزا کی طوالت یا اپنے خلاف الزامات کا علم نہیں ہوتا۔