تشییع  جنازہ کا پیغام پہنچ گیا 

فاران تجزیاتی ویب سائٹ: امریکی اور برطانوی ذرائع ابلاغ نے اعتراف کیا کہ حزب اللہ کو بڑے نقصانات پہنچانے کے باوجود، سید حسن نصر اللہ کے جنازے کی تقریب نے ثابت کر دیا کہ حزب اللہ اب بھی زندہ اور طاقتور ہے۔

فارس پلس گروپ: سید حسن نصر اللہ کے بڑے پیمانے پر جنازے کے بعد، عالمی سطح پر مختلف میڈیا اداروں نے اس پر ردعمل کا اظہار کیا

امریکی خبر رساں ایجنسی ایسوسی ایٹڈ پریس، جو اسرائیل کی سخت حامی ہے اور حزب اللہ کو دہشت گرد قرار دیتی ہے، کا ماننا تھا کہ سید حسن نصر اللہ کی شہادت کے بعد، حزب اللہ کمزور ہو گیا ہے اور اس کی فوجی طاقت ختم ہو چکی ہے۔ تاہم، جنازے کے بعد، ایسوسی ایٹڈ پریس نے اپنی رپورٹ میں لکھا:

“نصر اللہ کے جنازے کی تقریب، جس میں لاکھوں افراد شریک ہوئے، حزب اللہ کے لیے ایک موقع تھا کہ وہ اپنی طاقت کا مظاہرہ کرے اور ثابت کرے کہ اس کی ایک وسیع عوامی حمایت موجود ہے۔”

ایجنسی نے جنازے کے منظر کو بیان کرتے ہوئے مزید لکھا:

“کئی افراد نے اپنے اسکارف (چفیہ) اور قمیصیں تابوت پر ڈال دیں، یہ عقیدہ رکھتے ہوئے کہ وہ متبرک ہو جائیں گی۔ مرد و خواتین کھلے عام رو رہے تھے اور نصر اللہ اور صفی الدین کی تصاویر والے پوسٹرز اٹھائے ہوئے تھے۔”

ایسوسی ایٹڈ پریس نے اپنی ایک اور رپورٹ میں مزید کہا:

“ایسا لگتا ہے کہ یہ ایک پیغام ہے کہ، جنگ میں بھاری نقصان اٹھانے اور اپنے اعلیٰ رہنماؤں کی شہادت کے باوجود، حزب اللہ اب بھی مضبوط ہے۔ سڑکوں کے کنارے بڑی بڑی اسکرینیں نصب تھیں، جن پر جنازے کی تقریب کا عنوان درج تھا: ’ہم اپنے عہد پر قائم ہیں۔‘”

ایجنسی نے جنازے میں شریک ہجوم کے بارے میں لکھا:

“المیادین ٹی وی نے شرکا کی تعداد 1.4 ملین بتائی۔ اس تقریب میں لبنان کے باہر سے بھی غیر رسمی شرکت دیکھنے میں آئی، جن میں بعض مغربی ممالک کے افراد بھی شامل تھے۔”

ایر لینڈ کی انسانی حقوق کی کارکن تارا اوگریڈی نے اپنے ملک کا جھنڈا بلند کیا اور کہا:

“میں بیروت آئی ہوں تاکہ لبنانی عوام اور ان کی مزاحمت کے ساتھ کھڑی ہو سکوں، جو اسرائیلی حملوں کے خلاف لڑ رہے ہیں۔ اسرائیل جنوبی لبنان پر مسلسل وحشیانہ بمباری کر رہا ہے۔”

عراقی وزارت ٹرانسپورٹ کے ایک عہدیدار کے مطابق، جنازے کے دنوں میں 6,000 سے زائد افراد بیروت پہنچے۔

امریکی تجزیہ کار جیکسن ہنکل نے بیروت پہنچ کر سوشل میڈیا پلیٹ فارم ایکس (X) پر لکھا:

“یہ میرے لیے فخر کی بات ہے کہ میں اس جنازے میں شرکت کر رہا ہوں۔”

امریکی جریدے نیویارک ٹائمز نے جنازے کی تقریب پر تبصرہ کرتے ہوئے لکھا:

“حزب اللہ کی طاقت کا مظاہرہ، اس کے شہید رہنما کے جنازے میں۔”

واشنگٹن پوسٹ نے اپنی رپورٹ میں لکھا:

“حزب اللہ اپنے دیرینہ رہنما کو دفن کر رہا ہے اور شکستوں کے درمیان اپنی طاقت کا مظاہرہ کر رہا ہے۔”

اس امریکی جریدے نے جنازے کی تقریب کو اس طرح بیان کیا:

“بہت بڑی تعداد میں وہ لوگ، جنہیں اسٹیڈیم کے اندر داخلے کا ٹکٹ نہیں ملا، آس پاس کی سڑکوں پر جمع ہو گئے۔ اندر، اسٹیڈیم کے آخر میں نصر اللہ کی ایک بڑی تصویر والا بینر نصب تھا۔ ان کے حامی، حزب اللہ کے پیلے پرچم اور اپنے رہنما کی تصاویر اٹھائے ہوئے نعرے لگا رہے تھے: ’میں آپ کی خدمت میں ہوں، اے نصر اللہ۔‘ اسٹیڈیم میں موجود لوگ رو رہے تھے، اسپیکرز سے نصر اللہ کی آواز گونج رہی تھی، اور ان کی سیاہ پگڑی تابوت کے اوپر رکھی گئی تھی۔”

برطانوی خبر رساں ادارہ رائٹرز نے رپورٹ کیا:

“بہت بڑی تعداد میں لوگ حزب اللہ کے مقتول رہنما کے لیے سوگ منا رہے ہیں۔ بیروت میں منعقدہ عظیم جنازے میں سینکڑوں ہزاروں افراد نے اپنے رہنما کو الوداع کہا۔ حزب اللہ کے حامی، لبنان اور دیگر ممالک سے آئے ہوئے، نصر اللہ کی تصاویر اور حزب اللہ کے پرچم اٹھائے ہوئے 55 ہزار افراد کی گنجائش والے اسٹیڈیم کو بھر چکے تھے۔ ایک لبنانی سیکیورٹی ذریعے کے مطابق، جنازے کے شرکاء کی تعداد تقریباً 1 ملین تھی۔”

رائٹرز نے اپنی ایک اور رپورٹ میں لکھا:

“امریکی تھنک ٹینک کارنیگی مڈل ایسٹ سینٹر کے ایک تجزیہ کار کا کہنا ہے کہ یہ جنازہ حزب اللہ کے اگلے مرحلے کی لانچنگ پیڈ ہے۔ اتنے بڑے جنازے، جس میں سینکڑوں ہزاروں لوگ شریک ہوں، کا مقصد یہ ثابت کرنا ہے کہ حزب اللہ اب بھی زندہ ہے اور لبنان میں شیعہ قوت کی سب سے بڑی کھلاڑی ہے۔”

بی بی سی فارسی کی سینئر رپورٹر نفیسہ کوہنورد، جو موقع پر موجود تھیں، نے بیروت سے رپورٹ کیا:

“بہت بڑی تعداد میں لوگ رات سے ہی جنازے کے مقام کے آس پاس جمع ہو چکے تھے، حالانکہ موسم شدید سرد تھا۔ دنیا کے مختلف مقامات سے لوگ یہاں پہنچے ہیں۔ حالات کچھ ایسے ہیں کہ لوگ بھیڑ میں کچلے جانے کے خوف سے گھبرا رہے ہیں۔ جنازے کے دوران اسرائیلی جنگی طیارے غیر معمولی طور پر انتہائی نچلی پروازیں کر رہے تھے، ایسی نچلی پروازیں جو گزشتہ چند ماہ کی جنگ میں بھی نہیں دیکھی گئیں۔ دوسری طرف، حزب اللہ کے حامیوں کی بڑی تعداد اسرائیل کے خلاف نعرے بلند کر رہی تھی۔

حزب اللہ کے جنرل سکریٹری “نعیم قاسم کے مطابق، یہ ایک مرحلے کا اختتام اور دوسرے مرحلے کا آغاز ہے۔ جو کچھ ہم نے سنا، اس کے مطابق حزب اللہ کی تنظیم یہ ثابت کرنا چاہتی تھی کہ بھاری نقصان اٹھانے کے باوجود وہ اب بھی مضبوط ہے۔ اس کے علاوہ، ایران اور عراق سے آئے مختلف گروہوں کی موجودگی یہ پیغام دے رہی تھی کہ محورِ مقاومت بدستور حزب اللہ کی حمایت جاری رکھے گا۔ ایرانی وزیر خارجہ کے طیارے کی بیروت آمد کو اس علامت کے طور پر دیکھا جا رہا ہے کہ لبنانی حکومت پر اسرائیلی دباؤ کے نتیجے میں ایرانی پروازوں پر جو پابندیاں لگائی گئی تھیں، وہ ٹوٹ چکی ہیں۔
ذرائع نے تشیع جنازہ میں شامل لوگوں کی تعداد کے سلسلہ سے “اتنی بڑی تعداد میں لوگ موجود ہیں کہ کسی بھی لمحے رش کے باعث بھگدڑ مچنے کا خطرہ ہے۔”
بحمد اللہ اتنی بڑی تعداد میں نصر اللہ کے حامیوں نے شریک ہو کر یہ واضح پیغام دے دیا کہ ہم اپنے عہد پر قائم ہیں اور جس تک پیغام پہنچنا چاہیئے تھا پہنچ گیا۔