جنین کیمپ میں اسلامی جہاد کے 2 کمانڈر شہید

فلسطین کی اسلامی جہاد تحریک کے عسکری ونگ القدس بریگیڈ نے جمعرات کی شب شمالی مقبوضہ مغربی کنارے میں جنین پناہ گزین کیمپ پر اسرائیلی حکومت کے مجرمانہ حملے میں اپنے دو سینئر کمانڈروں کی شہادت کا اعلان کیا ہے۔

فاران: قدس بریگیڈز کے بیان میں کہا گیا ہے کہ جنین کیمپ پر کل ہونے والے حملے میں جنین کیمپ سے تعلق رکھنے والے ” یزن حاتم عطیہ الحسن” اور جنین کے مغرب میں یمن کے قصبے سے تعلق رکھنے والے ” امیر احمد عبدالرحمن ابو الحسن ” شہید ہو گئے۔

قابل غور ہے کہ جنین کیمپ پر اسرائیلی حکومت کے حملے مسلسل گیارہویں روز بھی جاری ہیں، جب کہ قابض فوج نے مسلسل پانچویں روز بھی طولکرم شہر اور اس کے کیمپ پر اپنے حملے جاری رکھے ہوئے ہیں۔