حماس کے سائبر سیل نے اسرائیلی فوج کے دسیوں موبائل فون ہیک کر لیے
فاران: عبرانی چینل 12 کی رپورٹ میں کہا گیا ہے کہ ’حماس‘ کے سائبر ہیکنگ یونٹ کے ارکان نے سوشل میڈیا کے ذریعے اسرائیلی لڑکیوں کے بھیس میں درجنوں اسرائیلی فوجیوں کے فون ہیک کیے اور پھر حماس کے تکنیکی ماہرین کی جانب سے تیار کردہ گیم ایپلی کیشن کا لنک بھیج دیا جو کہ اسمارٹ فونز کو کنٹرول کرتا ہے اور موبائل کے اندر موجود ڈیٹا تک رسائی کا ذریعہ بنتا ہے۔
اسرائیلی جنرل سیکیورٹی سروس (شن بیٹ) کے انفارمیشن سیکیورٹی فارمیشن کے ایک افسر کے مطابق جس کا نام “A” سے شروع ہوتا ہے کا کہنا ہے کہ “حماس کی لڑکیاں فوجیوں سے کہہ رہی ہیں کہ وہ اس کے ڈاؤن لوڈ پر کلک کر کے اسمارٹ فونز میں گھسنے کے لیے پیشگی تیار کردہ گیم ایپلی کیشن ڈاؤن لوڈ کریں اور اس طرح حملہ آور فوجیوں کے فون کو مکمل طور پر کنٹرول کرتے ہیں۔
چینل نے کہا کہ ہیکنگ کی کارروائیوں کوایک الیکٹرانک آپریشن کے ذریعے دریافت کیا گیا جس کی قیادت شن بیٹ کے سگنل ڈویژن میں انفارمیشن سیکیورٹی اور سائبر پروٹیکشن نے تشکیل کی گئی تھی۔ اسے “کھیل کا خاتمہ” کہا گیا کیونکہ یہ نام حماس سے لیا گیا تھا۔ ایک بدنیتی پر مبنی گیم ایپلی کیشن ہے جس میں اسرائیلی فوجیوں کے بارے معلومات اکھٹی کرنا ہے۔
“اے” نے مزید کہا کہ حماس نے ایک ایسی ایپلی کیشن تیار کی ہے جو پہلی نظر میں عام دکھائی دیتی ہے، لیکن تحریک کے ارکان لڑکیوں کے جعلی پروفائلز کے ذریعے فوجیوں کو اپنے فون پر ایپلی کیشن ڈاؤن لوڈ کرنے کے لیے راضی کر رہی ہیں۔
A. نے اس بارے میں بات کی کہ شن بیٹ کی طرف سے کی جانے والی دراندازیوں کو ناکام بنانے کے علاوہ حماس نے مذکورہ ایپلی کیشن کے ذریعے متعدد فوجیوں کے فون کامیابی کے ساتھ ہیک کیے۔
تبصرہ کریں