شہید فلسطینی نوجوان علاء الزغل سپرد خاک، جنازہ میں کثیر تعداد شریک
فاران: گذشتہ روز فلسطین کے مقبوضہ مغربی کنارے کے شمالی شہر نابلس میں عسکری کیمپ میں اسرائیلی فوج کی بربریت کے نتیجے میں شہید ہونے والے 21 سالہ نوجوان علاء الزغل کو آبائی قبرستان میں سپرد خاک کردیا گیا۔ شہید کی نماز جنازہ اور تدفین میں شہریوں کی بڑی تعداد نے شرکت کی۔
علاء الزغل کو کل بدھ کی شام نابلس کے مشرق میں واقع گاؤں دیر الحطب میں اسرائیلی قابض فوج نے گولیاں مار کر شہید کردیا گیا۔ جھڑپ کے دوران اسرائیلی فوج نے علا کے سر میں گولیاں ماریں۔ اس کارروائی کے دوران فلسطینی شہری سلمان عمران کو گرفتار کرلیا گیا۔
فلسطینی پرچم میں لپٹی ہوئی شہید کے جسد خاکی کو مختلف فورسز اور سرگرمیوں کے نمائندوں کی شرکت سے قبل رفیدیا اسپتال سے کیمپ منتقل کیا گیا۔
شہریوں کی بڑی تعداد شہید کے گھر پہنچ گئی جہاں اس کی نماز جنازہ کی ادائی کے بعد شہید کو سپرد خاک کردیا گیا۔
جنازے کے جلوس کے دوران مقررین نے کہا کہ ہمارے فلسطینی عوام کے خلاف قابض دشمن کے جاری جرائم کی ہر سطح پر مذمت کی جانی چاہیے۔ اس موقعے پر مشتعل نوجوانوں نے قابض فوج کے خلاف انتقام اور مزاحمت کی حمایت میں نعرے لگائے۔
تبصرہ کریں