صیہونیوں کے فلیگ مارچ کے خلاف احتجاج کرنے والے 163 فلسطینی زخمی
فاران: فارس نیوز ایجنسی بین الاقوامی ڈیسک کے مطابق، فلسطینی ہلال احمر نے اعلان کیا ہے کہ مسجد اقصیٰ اور اس کے اطراف میں فلسطینی مظاہرین پر اسرائیلی فوج کے حملوں کے دوران کم از کم 163 افراد زخمی ہوئے ہیں، جن میں سے بعض کو گولیاں لگی ہیں۔
الجزیرہ کے مطابق فلسطینی ہلال احمر نے کہا کہ ہماری امدادی ٹیموں نے اتوار کو بیت المقدس کے پرانے شہر میں 163 فلسطینی زخمیوں کو امداد فراہم کی جن میں سے کم از کم 20 افراد گولیوں سے زخمی ہوئے ہیں۔
مسجد اقصیٰ میں اتوار کی صبح سے ہی کشیدگی دیکھی گئی، اسی وقت جب صیہونیوں نے مسجد اقصیٰ پر حملہ کیا اور فلیگ مارچ کے نام سے ایک تقریب منعقد کی۔
ادھر صہیونی میڈیا ذرائع کا کہنا ہے کہ مغربی کنارے کے 12 علاقوں میں جھڑپیں جاری ہیں۔
گزشتہ روز ایک ہزار سے زائد صیہونی آباد کار صیہونی فوج کی حمایت سے مسجد اقصیٰ کے صحنوں میں داخل ہوئے اور مسلمانوں کے قبلہ اول کی حرمت کے لیے تلمودی رسومات ادا کیں اور اشتعال انگیز اقدامات انجام دئیے۔
ٹائمز آف اسرائیل نے اطلاع دی ہے کہ بیت المقدس کے پرانے حصے میں باب الدمشق کے قریب فلیگ مارچ میں حصہ لینے والے متعدد اسرائیلی نوجوانوں نے “عرب مردہ باد” کے نعرے لگائے اور مبینہ طور پر پیغمبر اسلام (ص) کی توہین بھی کی۔
تبصرہ کریں