عرب حکمرانوں کی غزہ جنگ کے دوران فلسطینی عوام سے غداری بے نقاب

فاران تجزیاتی ویب سائٹ: عرب ممالک اب بھی فلسطین کے مسئلے کے دفاع کا دعویٰ کرتے ہیں، مگر صیہونیوں کے اعتراف کے مطابق، انہوں نے غزہ جنگ کے دوران اسرائیل کو خورد و نوش کی اشیاء سے لے کر اسلحہ تک فراہم کیا۔

فارس نیوز ایجنسی کی اقتصادی رپورٹنگ ٹیم؛ “عرب ممالک نے فلسطینیوں کی تباہی کے لیے ہمیں اسلحہ فراہم کیا، اور ان کے 10 بلین ڈالر کے تجارتی لین دین نے اسرائیلی معیشت کو بچا لیا۔” یہ الفاظ ایک صیہونی محقق کے ہیں۔

حالیہ عرصے میں، قابض اسرائیلی ریاست نے اپنی میڈیا مشینری کے ذرہعہ خاص طور پر عربی زبان میں، عرب ممالک جیسے کہ مصر، اردن، امارات، بحرین، اور مراکش کے ساتھ تعلقات معمول پر لانے کے فوائد کی تشہیر کی ہے، تاکہ دیگر عرب ممالک کے عوام کو، جو اسرائیل کے ساتھ تعلقات کی بحالی کے مخالف ہیں، قائل کیا جا سکے کہ یہ معاہدہ ان کے لیے اقتصادی اور سیکیورٹی فوائد کا حامل ہوگا۔

غزہ جنگ کے دوران بعض عرب ممالک نے واشنگٹن کے حکم پر اسرائیل کو اسلحہ فراہم کیا

غزہ جنگ کے دوران، کچھ عرب ممالک، خواہ وہ اسرائیل کے ساتھ تعلقات بحال کر چکے ہوں یا نہ ہوں، واشنگٹن کے حکم پر اور اپنی سرزمین پر موجود امریکی فوجی اڈوں کے ذریعے صیہونی ریاست کو اسلحہ اور فوجی سازوسامان فراہم کر رہے تھے۔ ان عرب حکومتوں نے قابض صیہونی فوجیوں کے لیے خوردو نوش کی اشیاء اور مشروبات بھی مہیا کیے، جس نے ان ممالک کے عوام میں شدید غم و غصے اور ناراضگی کو جنم دیا۔

عرب ممالک اور اسرائیل کے درمیان تجارتی لین دین 10 ارب ڈالر سے تجاوز کر گیا

اسرائیلی سرکاری اعداد و شمار کے مطابق، عرب ممالک کے ساتھ تعلقات معمول پر لانے کے اثرات تجارتی میدان میں واضح طور پر نظر آ رہے ہیں۔ 2020 میں امن معاہدوں کے بعد، عرب ممالک کے ساتھ اسرائیل کی تجارت میں نمایاں اضافہ ہوا ہے۔ اگرچہ ان اعداد و شمار میں سیاحت اور خدمات کا شعبہ شامل نہیں ہے، تاہم سال 2024 کے پہلے سات مہینوں میں، اسرائیل کی کئی عرب ممالک کے ساتھ تجارت 2021 کی اسی مدت کے مقابلے میں تین گنا بڑھ چکی تھی۔

اسرائیل کے حالیہ سرکاری اعداد و شمار کے مطابق، 2019 سے ابراہیم معاہدے میں شامل عرب ممالک اور اسرائیل کے درمیان تجارت، سیاحت، سائبر سیکیورٹی، بنیادی ڈھانچے اور معیشت کے شعبوں میں 10 ارب ڈالر سے تجاوز کر چکی ہے۔

یہ ایسے وقت میں ہو رہا ہے جب عرب ممالک کئی دہائیوں تک اسرائیل کو ایک دشمن ریاست قرار دیتے رہے اور سعودی عرب کے سابق بادشاہ، شاہ عبداللہ کے اس اقدام کی حمایت کرتے رہے، جس کے تحت فلسطین کے مسئلے کا جامع اور منصفانہ حل نکلنے تک اسرائیل کے ساتھ تعلقات معمول پر لانے کی تمام شکلوں کو مسترد کر دیا گیا تھا۔ یہ تجویز 2002 میں بیروت میں ہونے والے عرب سربراہی اجلاس میں عرب-اسرائیل تنازع کے حل کی بنیاد کے طور پر پیش کی گئی تھی۔

عرب ممالک کی اسرائیل کو تسلیم کرنے کی شرط اور بعض ممالک کی علیحدگی

اس منصوبے کے تحت، عرب ممالک نے اس بات پر زور دیا تھا کہ اسرائیل کو تسلیم کرنے کا انحصار اس کے 1967 میں قبضہ کیے گئے تمام مقبوضہ علاقوں سے مکمل انخلا، مشرقی یروشلم کو فلسطین کا دارالحکومت بنانے اور فلسطینی پناہ گزینوں کے مسئلے کا منصفانہ حل نکالنے پر ہے۔

تاہم، متحدہ عرب امارات نے اس عربی اتفاقِ رائے سے علیحدگی اختیار کر لی، اور اس کے بعد بحرین، سوڈان اور مراکش نے بھی 15 ستمبر 2020 کو واشنگٹن کے وائٹ ہاؤس میں ابراہیم معاہدے پر دستخط کر کے اسرائیل کے ساتھ تعلقات کو مکمل طور پر معمول پر لانے کے مرحلے میں داخل ہو گئے۔

جنگ کے دوران عرب ممالک اور اسرائیل کی تجارتی سرگرمیوں میں اضافہ

اسرائیلی مرکزی ادارہ برائے شماریات کے اعداد و شمار کے مطابق، جنگ کے مہینوں کے دوران، اسرائیل کے ساتھ تعلقات معمول پر لانے والے عرب ممالک کی تجارتی سرگرمیوں میں اضافہ ہوا، اور اسرائیل کے ساتھ تجارتی حجم 4 ارب ڈالر تک پہنچ گیا۔ بعض ممالک نے تو اپنی جنگ سے پہلے کی تجارت کے مقابلے میں اسے دوگنا کر دیا۔

عرب ممالک کی اسرائیل کو برآمدات سے متعلق ڈیٹا سے پتہ چلتا ہے کہ متحدہ عرب امارات نے جنگ کے دوران عرب ممالک کی اسرائیل کو کی جانے والی کل برآمدات میں سے 81.4 فیصد کا حصہ اپنے نام کیا، جس کے بعد مصر، اردن، مراکش اور بحرین کا نمبر آتا ہے۔

مزید یہ کہ، ڈیٹا سے ظاہر ہوتا ہے کہ جنگ کے دوران مصر اور اسرائیل کے درمیان تجارتی حجم پچھلی ایک دہائی میں اپنی بلند ترین سطح پر پہنچ گیا۔

اسرائیل اور مصر کے درمیان تجارتی تعلقات میں مضبوطی، سالانہ تجارت 700 ملین ڈالر تک پہنچنے کی امید