قابض اسرائیلی فوج نے 12 فلسطینوں کو اغوا کر لیا/ اغوا شدگان میں چار زخمی ایک کی حالت نازک

فاران: قابض اسرائیلی فوج نے مختلف واقعات میں 12  فلسطینیوں کو اغوا اور چار کو زخمی کر دیا ہے۔  اسرائیلی قابض فوج نے فلسطینیوں کے خلاف یہ کارروائیاں مقبوضہ یروشلم اور مغربی کنارے کے علاقوں میں بدھ اور جمعرات کی درمیانی رات سے جمعرات کی صبح تک کی ہیں۔

اسرائیلی قابض فوج نے حماس کے ایک سینئیر ذمہ دار غسان الذوبی کو بھی اغوا کیا ہے ۔ ان کے علاوہ اسلامی جہاد کے ذمہ دار اسامہ الحروب کو جنین کے علاقے سے اغوا کیا گیا ہے۔  جبکہ چھ دیگر فلسطینی شہریوں کو فلسطینی پناہ گزینوں کے کیمپ سے اٹھایا گیا ہے۔

اسرائیلی فوج کی طرف سے ایک اغوا کی واردات طوباس شہر سے متصل الفاریہ کیمپ میں کی گئی۔  علاوہ ازیں اسرائیلی فوج نے الخلیل شہر میں بیت الاولا  ٹاون کے الفوارکیمپ ، رام اللہ اور اریحا میں بھی کی گئی  ہیں۔

اطلاعات کے مطابق اسرائیلی قابض فوج کی ان کارروائیوں کے دوران بعض جگہوں پر فلسطینی نوجوانوں کی طرف سے رکاوٹ پیدا کرنے کی کوشش کی گئی۔ جبکہ طوباس میں مزاحمت کاروں اور اسرائیلی فوج کے درمیان فائرنگ کا تبادلہ ہوا۔

جب یروشلم اور مغربی کنارے کے علاقے میں فوج نے بدھ اور جمعرات کی درمیانی رات کو چڑھائی کی تو دو فلسطینی قابض فوج کی گولیوں سے زخمی ہو گئے۔ مشرقی یروشلم  کے شعفاط پناہ گزین کیمپ میں اسرائیلی فوج نے فلسطینیوں کے گھروں کی توڑ پھوڑ بھی کی اور اس کیمپ سے چار فلسطینی نوجوانوں کو اٹھا کر لے گئی۔

اگلی صبح اسرائیلی قابض فوج نے جنوبی بیت اللحم کے علاقے میں قائم الدھیشہ کیمپ پر حملہ کیا۔ یہاں کے نوجوانوں کو فوج نے تشدد کا نشانہ بنایا  اور تین نوجوانوں کو فائرنگ کر کے زخمی کر دیا تو جوابا نوجوانوں کی طرف سے بھی مزاحمت کی گئی۔

فلسطینی وزارت صحت کے مطابق ان زخمی نوجوانوں میں سے ایک کو زیادہ خراب  حالت میں  بیت جالہ  ہسپتال لے جایا گیا۔ ان اسرائیلی فوجی کارروائیوں کے دوران مجموعی طور پر بارہ فلسطینیوں کو اغوا یا گرفتار  کیا گیا ہے۔ ان میں سے ابھی تک کسی کے بارے میں نہیں معلوم کہ اسے کہاں لے جایا گیا ہے اور کیوں اٹھایا گیا ہے ۔ چار زخمی ہونے والے فلسطینیوں میں سے ایک شدید زخمی کی حالت نازک بتائی گئی  ہے۔