یمنی میزائل نے نیتن یاہو کو پناہ گاہ میں چھپنے پر مجبور کر دیا

فاران: یمن سے فلسطین کے مقبوضہ علاقوں کی جانب بیلسٹک میزائل داغے جانے کے بعد اسرائیل کی پارلیمنٹ میں موجود نیتن یاہو کو ایک پناہ گاہ کی طرف بھاگنا پڑا۔
فارس نیوز ایجنسی انٹرنیشنل گروپ؛ یمنی مسلح افواج کی طرف سے مقبوضہ علاقوں میں گہرائی تک میزائل حملے کے بعد مقبوضہ بیت المقدس اور تل ابیب کے بڑے علاقوں میں انتباہی سائرن بج گئے۔
اس حوالے سے فلسطینی خبر رساں ایجنسی شہاب نے ایک ویڈیو شائع کی ہے جس میں بتایا گیا ہے کہ یہ اس لمحے کا ہے جب یمنی بیلسٹک میزائل کے داغے جانے کے نتیجے میں انتباہی سائرن بجنے پر اسرائیلی وزیراعظم بنجمن نیتن یاہو کنیسیٹ سے پناہ گاہ کی طرف بھاگے تھے۔
چند گھنٹے قبل یمنی مسلح افواج کے ترجمان بریگیڈیئر جنرل یحییٰ سریع نے اعلان کیا تھا کہ یمن نے فلسطین-2 سپرسونک بیلسٹک میزائل سے مقبوضہ فلسطین میں بن گورین ہوائی اڈے کو نشانہ بنایا۔
یمنی حکام نے اعلان کیا ہے کہ وہ مقبوضہ علاقوں کے ساتھ ساتھ بحیرہ احمر اور بحیرہ روم میں اسرائیلی بحری جہازوں کے خلاف حملے اس وقت تک جاری رکھیں گے جب تک غزہ پر اسرائیلی جارحیت بند نہیں ہو جاتی۔
صیہونی حکومت کے اندر گہرائی تک یمن کا میزائل حملہ ایک ایسے وقت میں ہوا ہے جب امریکہ نے برطانیہ کے ساتھ مل کر حالیہ دنوں میں یمن کے مختلف علاقوں کو اپنی جارحیت کا نشانہ بنایا ہے۔