سپر ہیروز کی تدریجی موت

فاران؛ جب بالی ووڈ کی ہندی فلموں میں معمولی انسان روزمرہ کے معمولی حالات میں سوپر ہیروؤں جیسا عجیب و غریب کردار ادا کرتے ہیں، اور بالی ووڈ کے فلم بینوں کے ہاں ایک قابل قبول مسئلہ ہے، تو آپ تصور کریں کہ اگر وہ بالی ووڈ کے ہدایت کار اور اداکار سوپر ہیرو پر مشتمل فلم بنانا چاہیں، تو کیا ناخوشگوار آمیزہ اپنے دیکھنے والوں کے سامنے پیش کریں گے؟ ہندی سپر ہیرو فلمیں اکثر ایک مکمل تباہی اور مکمل المیہ ہوتے ہیں۔

ایک مشہور نقاد نے کسی وقت ان فلموں کے بارے میں کہا تھا: “میں مزید کبھی بھی بالی ووڈ کی سوپرہیرو فلم نہیں دیکھوں گا، کیونکہ مجھے یقین ہے کہ اس کے بعد میں حقیقی سوپر ہیروز پر اپنا ایمان کھو جاؤں گا”۔
سوپر ہیروز کی کہانیوں پر مشتمل بالی ووڈی فلموں میں ایک انفرادی المیہ، انو بھاؤ سنہا (Anubhav Sinha) کی ہدایت کاری میں بننے والی فلم “را ون Ra.One ” ہے۔ شاہ رخ خان نے اس فلم میں اداکاری کرکے ثابت کیا ہے کہ وہ صرف رومانوی کرداروں کرنے کے لئے ہی مناسب ہے، ایسے کردار جن میں وہ خوبصورت اور سرسبز و شاداب چمن زاروں میں چکر لگاتا ہو اور اپنی محبوبہ کے عشق میں، نغمہ سرائی کرتا ہو؛ لیکن ایک سوپر ہیرو کا کردار ادا کرنے کے لئے وہ نہایت غلط انتخاب ہے۔
یہ فلم کرسٹوفر نولن (Christopher Nolan) کی ہدایت کاری میں بننے والی ہالی ووڈ کی فلم بیٹ مین شروع کرتا ہے (Batman Begins) کا چربہ، اور اس قدر المناک صورت اختیار کرگئی ہے کہ جسے سینما کی تاریخ کی بدترین فلم قرار دیا گیا ہے، اور زور دیا گیا ہے کہ یہ فلم “بدترین فلم” کا اپنا یہ ریکارڈ اگلے 1000 سال تک برقرار رکھ سکتی ہے۔ نارض نقادوں کی رائے کے مطابق، اس قدر بری فلم بنانے کے لئے “کوشش” اور “ٹریننگ” کی ضرورت ہے۔ یہ – کہ ہم سوپرہیروز پر مشتمل تمام فلموں کے چربوں کو اس قدر شدید مبالغہ آرائی کے ساتھ، ڈھائی گھنٹوں کی ایک فلم میں یکجا کریں – ایک ایسا مسئلہ ہے جس سے صرف اور صرف بالی ووڈ کے صاحب طرز فلم ساز عہدہ برآ ہوسکتے ہیں۔